Hachnosas Sefer Torah, Chanikas Habeyis in Belz Camp | מעמד הכנסת ספרי תורה וחנוכת הבית במחנה בעלזא
Description
מעמד מרומם והיסטורי - חגיגת חנוכת הבית של קרית החינוך 'מחנה בני יחזקאל' דחסידי בעלזא בוואודריזש ניו יורק, המעמד נערך בשילוב מעמד הכנסת ספרי התורה ומעמד קביעת המזוזות בבתי המחנה. בחגיגת חנוכת הבית השתתפו מאות הורים ומורים, עסקני בית בעלזא, משפ' סאמועלס ובראשם ראש המשפחה הרב יחזקאל סאמועלס שכיהן כראש המדריכים במשך למעלה משלושים שנה, ובראשות האדמו"רים מרחמסטריווקא וויזניץ בורו פארק. מיט א לוסטיגע אנהייב פון די זוממער סעזאן, האבן די הונדערטער תלמידי הישיבות דחסידי בעלזא אין בארא פארק זיך איינקוואטירט אין די נייע אכסניא, די הערליך פריש געבויעטע קעמפ "מחנה בני יחזקאל", וואס איז געבויעט געווארן אין א קארגע צייט אפשניט פון צען חדשים, זינט עס איז געלייגט געווארן די אבן הפינה פארלאפענעם חודש אב. די נייע קעמפ מחנה בני יחזקאל נעמט אריין עטליכע אפטיילונגען, בנינים אדירים פאר אלע ישיבות קטנות דחסידי בעלזא, א גרויסע שוהל און שלאף געביידעס, א באזונדערע אפטיילונג מיט דירות פאר די איינגעשטעלטע די חשובע מרביצי תורה, און נאך פארשידענע בנינים וואס זענען וויכטיג פארן קעמפ. אין די ערשטע טעג נאכן באנייען דעם קעמפ, איז פארגעקומען די מעמד קביעת מזוזה מיט די באטייליגונג פון די מרביצי תורה, חברי הנהלת המוסדות, און די קרובי המשפחות פון די נדבנים, פרייטאג פרשת חוקת נאכמיטאג איז פארגעקומען די מעמד הכנסת ספר תורה ווען מען האט אריינגעפירט די ספרי תורה אין די נייע בית המדרש, און מוצאי שבת איז פארגעקומען די גרויסע מעמד חנוכת הבית, מיט די באטייליגונג פון פילע בעלזא חסידים און די תלמידי הישיבות דחסידי בעלזא. בראש המסובים האט זיך אנגעזעהן די השתתפות פון צוויי גדולי האדמורי"ם פון בארא פארק, כ"ק אדמו"ר מראחמיסטריווקא שליט"א, און כ"ק אדמו"ר מוויזניץ שליט"א, וועלכע האבן משמיע געווען דברות קודש לכבוד המאורע. עס איז פארגעליינט געווארן א מכתב קודש פון כ"ק אדמו"ר מבעלזא שליט"א, און עס האבן אויפגעטרעטן דער לאנגיעריגער ראש מדריכים הנגיד החסיד ר' יחזקאל שאמועל הי"ו, און זיין זון הנגיד החסיד ר' אברהם חיים שאמועל הי"ו וועלכער האט אפגעקויפט דעם זכות המחנה לכבוד זיין טאטן.