ר' יואל רוטה א מופת בין איך Music Video R' Yoel Roth

Description

ר' יואל רוטה - א מופת בין איך - Music Video - R' Yoel Roth מֶענְטְשְׁן פְרֶעגְן מִיר אַלֶעמָאל, סְ'אִיז דָאךְ אַלְץ גֶעוֶוען אַזוֹי בַּיי כְּלַל יִשְׂרָאֵל, צַדִיקִים פְלֶעגְן וַוייזְן מוֹפְתִים. צִי אִיז בַּיי מוֹהַרָא"שׁ אוֹיךְ גֶעוֶוען, צִי הָאסְטוּ מוֹפְתִים דָארְט אַמָאל גֶעזֶען. צִי פְלֶעגְסְטוּ זֶען דָארְט וואוּנְדֶער, עֶפֶּעס עֶקְסְטֶער בַּאזוּנְדֶער, זַאכְן וָואס מְ'זֶעט נִישְׁט כְּסֵדֶר. אַ מוֹפֵת, אַ מוֹפֵת בִּין אִיךְ, וָואס מְ'טוּט, טוּט מֶען פַאר זִיךְ. מוֹהַרָא"שׁ הָאט מִיךְ אָפְּגֶעוַואשְׁן, אָנְגֶעפוּלְט מַיינֶע טַאשְׁן, מִיט מִשְׁנַיוֹת אוּן חוּמָשׁ רַשִׁ"י. מוֹהַרָא"שׁ הָאט מִיךְ אִיבֶּערְגֶעקֶערְט, מִיר גֶעוִויזְן אַז אִיךְ בִּין יָא וֶוערְט. אִיךְ הָאבּ הַיינְט שׁוֹין לִיבּ צוּ לֶערְנֶען, קַיין שׁוּם זַאךְ קֶען מִיר נִישְׁט שְׁטֶערְן, אִיךְ וֵוייס דֶער בַּאשֶׁעפֶער וִויל מִיר הֶערְן. וָואס הָאבּ אִיךְ אַז מַיין רֶבִּי פְלִיט אִין הִימְל, וָואס הָאבּ אִיךְ אַז מַיין רֶבִּי מַאכְט אַ טוּמְל. בְּגָדִים נָאר וַוייסֶע, אַ פָּנִים אַ בְּלַאסֶע, וִוי אַזוֹי בִּין אִיךְ פוּן דֶעם מַרְוִיחַ. וָואס הָאבּ אִיךְ אַז מַיין רֶבִּי וַוארְפְט אַן עֶפְּל, אִיךְ טַאנְץ אוּן אִיךְ פַארְלִיר נָאךְ אַ קְנֶעפְּל. אוֹיבּ אִיךְ קֶען נִישְׁט אִין מַיין לֶעבְּן, זִיךְ קַיין עֵצָה נִישְׁט גֶעבְּן. אַן עַוְולָה פַאר מַיין נְשָׁמָה טוּ אִיךְ. אַ מוֹפֵת, אַ מוֹפֵת בִּין אִיךְ, וָואס מְ'טוּט, טוּט מֶען נָאר פַאר זִיךְ. מוֹהַרָא"שׁ הָאט מִיךְ אָפְּגֶעוַואשְׁן, אָנְגֶעפוּלְט מַיינֶע טַאשְׁן, מִיט מִשְׁנַיוֹת אוּן חוּמָשׁ רַשִׁ"י. מוֹהַרָא"שׁ הָאט מִיךְ אִיבֶּערְגֶעקֶערְט, מִיר גֶעוִויזְן אַז אִיךְ בִּין יָא וֶוערְט. אִיךְ הָאבּ הַיינְט שׁוֹין לִיבּ צוּ לֶערְנֶען, קַיין שׁוּם זַאךְ קֶען מִיר נִישְׁט שְׁטֶערְן, אִיךְ וֵוייס דֶער בַּאשֶׁעפֶער וִויל מִיר הֶערְן.